ఆంధ్రప్రదేశ్ రాష్ట్రంలో పరిశ్రమల అభివృద్ధి దిశగా మరో పెద్ద అడుగు పడింది. రిలయన్స్ ఇండస్ట్రీస్ లిమిటెడ్ (RIL) రూ.40 వేల కోట్ల భారీ పెట్టుబడితో కర్నూలు జిల్లాలో ఫుడ్ ప్రాసెసింగ్ యూనిట్ను ఏర్పాటు చేయనున్నట్లు అధికారికంగా ప్రకటించింది. ఈ ఉప్పందాన్ని రాష్ట్ర ప్రభుత్వం మరియు రిలయన్స్ కంపెనీ ప్రతినిధులు కలిసి సంతకం చేశారు.

ఈ యూనిట్ ద్వారా ఆంధ్రప్రదేశ్‌ను పాన్ ఇండియా స్థాయిలో ఫుడ్ ప్రాసెసింగ్, నిల్వ, మరియు పంపిణీ కేంద్రంగా అభివృద్ధి చేయడం లక్ష్యంగా పెట్టుకున్నారు. ప్రాజెక్టు పూర్తయ్యాక రాష్ట్రంలో వేల సంఖ్యలో ఉద్యోగాలు సృష్టికావడంతో పాటు, స్థానిక రైతులకు కూడా అధిక లాభాలు చేకూరనున్నాయి.

ప్రధాన ఉత్పత్తులు:

• పాలు మరియు పాల ఉత్పత్తులు

• ధాన్యం, పండ్లు, కూరగాయల ప్రాసెసింగ్

• రెడీ-టు-ఈట్ ఫుడ్ ఉత్పత్తులు

• ఎగుమతుల కోసం ప్రత్యేక ఉత్పత్తులు

ఈ సందర్భంలో రాష్ట్ర ప్రభుత్వం, పెట్టుబడులను ఆకర్షించడానికి పారిశ్రామిక విధానాలను మరింత సులభతరం చేస్తామని వెల్లడించింది. ముఖ్యమంత్రి చంద్రబాబు నాయుడు మాట్లాడుతూ,
"రిలయన్స్ వంటి జాతీయ స్థాయి సంస్థల పెట్టుబడులు ఆంధ్రప్రదేశ్‌ను పరిశ్రమల హబ్‌గా మలుస్తాయి. రైతుల ఆదాయం పెరగడమే కాకుండా యువతకు విస్తృత స్థాయిలో ఉపాధి అవకాశాలు కలుగుతాయి" అని తెలిపారు.

ఈ ప్రాజెక్టు నిర్మాణం వచ్చే ఏడాది ప్రారంభం కానుంది. పూర్తయిన తరువాత, కర్నూలు జిల్లా దేశవ్యాప్తంగా అతిపెద్ద ఫుడ్ ప్రాసెసింగ్ కేంద్రాలలో ఒకటిగా అవతరించనుంది.