ఆంధ్రప్రదేశ్ రాష్ట్ర ప్రభుత్వం పర్యాటక రంగానికి గరిష్ట ప్రాధాన్యత ఇస్తోందని ముఖ్యమంత్రి నారా చంద్రబాబు నాయుడు తెలిపారు. గత 15 నెలల కాలంలో రూ.10,600 కోట్ల పెట్టుబడులు రాష్ట్ర పర్యాటక రంగంలోకి వచ్చాయని ఆయన వెల్లడించారు.
పర్యాటక అభివృద్ధి కోసం అనేక ప్రాజెక్టులు, మౌలిక వసతులు, కొత్త రిసార్ట్లు, వాటర్ స్పోర్ట్స్, అడ్వెంచర్ టూరిజం వంటి విభాగాలలో పెట్టుబడులు ప్రవేశించాయని సీఎం తెలిపారు. పర్యాటక రంగం రాష్ట్ర ఆర్థిక వ్యవస్థను బలోపేతం చేయడంలో, అలాగే ఉద్యోగావకాశాలు సృష్టించడంలో కీలకపాత్ర పోషిస్తుందని ఆయన పేర్కొన్నారు.
ఆంధ్రప్రదేశ్లోని తిరుమల, అరకు, విశాఖపట్నం, గాంధికోట, పాపికొండలు వంటి ప్రదేశాలను ప్రపంచ పర్యాటక మ్యాప్లో నిలబెట్టేందుకు ప్రభుత్వం ప్రణాళికాబద్ధంగా పనిచేస్తోందని చంద్రబాబు నాయుడు తెలిపారు. రాష్ట్రంలో పర్యాటక రంగం వృద్ధి చెందితే, అంతర్జాతీయ స్థాయి పెట్టుబడిదారులు మరింతగా ఆకర్షితులవుతారని ఆయన నమ్మకం వ్యక్తం చేశారు.
సీఎం మాట్లాడుతూ, ప్రభుత్వం చేపడుతున్న ఈ కృషి ద్వారా యువతకు విస్తృతమైన ఉద్యోగ అవకాశాలు లభిస్తాయని, పర్యాటక రంగం రాష్ట్ర అభివృద్ధికి ముఖ్యమైన అస్త్రంగా మారుతుందని పేర్కొన్నారు.
Leave A Comment