• Oct 3, 2025

కేంద్ర ప్రభుత్వానికి పంపిన అటవీ శాఖ

అమరావతి:
ఆంధ్రప్రదేశ్ రాష్ట్రంలో పచ్చదనాన్ని పెంపొందించి, పర్యావరణ సమతుల్యతను కాపాడేందుకు రాష్ట్ర అటవీ శాఖ కీలక నిర్ణయం తీసుకుంది. రాష్ట్రంలోని ప్రధాన నగరాల్లో 18 కొత్త నగర వనాల (Urban Forests) ఏర్పాటుకు ప్రతిపాదనలు సిద్ధం చేసి, కేంద్ర ప్రభుత్వానికి పంపినట్లు అధికారిక వర్గాలు వెల్లడించాయి.

ఈ ప్రాజెక్ట్ కింద ప్రతి నగర వనంలో నడక మార్గాలు, జీవవైవిధ్య పార్కులు, నీటి వనరులు, వన్యప్రాణి సంరక్షణ ప్రాంతాలు ఏర్పాటు చేయబడతాయి. ప్రజలు విశ్రాంతి తీసుకోవడానికి, ఆరోగ్యకరమైన వాతావరణాన్ని అనుభవించడానికి ఈ వనాలు ఉపయోగపడతాయి.

అటవీ శాఖ అధికారులు తెలిపారు .ఈ ప్రతిపాదనలు కేంద్ర ప్రభుత్వ “నగర వనాల అభివృద్ధి పథకం” కింద ఆమోదం పొందితే, భారీ నిధులు కేటాయించి వెంటనే పనులు ప్రారంభించనున్నట్లు.

ఈ చర్య ద్వారా రాష్ట్ర నగరాల్లో కాలుష్యం నియంత్రణ, వాతావరణ మార్పుల ప్రభావం తగ్గింపు, మరియు ప్రజలకు పర్యావరణ అవగాహన పెంపొందించడమే ప్రధాన లక్ష్యంగా ప్రభుత్వం భావిస్తోంది.

ప్రతిపాదనల్లో విశాఖపట్నం, విజయవాడ, తిరుపతి, కడప వంటి ప్రధాన నగరాలు ప్రాధాన్యత పొందాయి.
రాబోయే నెలల్లో ఈ ప్రాజెక్ట్‌కు తుది ఆమోదం లభించే అవకాశం ఉందని అటవీ శాఖ వర్గాలు ఆశాభావం వ్యక్తం చేస్తున్నాయి.