కక్షతోనే కొమ్మినేని అరెస్టు: అంబటి

  తాడేపల్లి, విశాఖ సమాచారం: 

  రాష్ట్రంలో లా అండ్‌ ఆర్డర్‌ లేదని.. కూటమి ప్రభుత్వం దానిని అసలే పట్టించుకోదని వైఎస్సార్‌సీపీ నేత, మాజీ మంత్రి అంబటి రాంబాబు అన్నారు. సీనియర్‌ పాత్రికేయుడు, రాజకీయ వ్యవహారాల వ్యాఖ్యత కొమ్మినేని శ్రీనివాసరావు అరెస్ట్‌ నేపథ్యంలో ఆయన సోమవారం మీడియాతో మాట్లాడారు.

  కూటమి ప్రభుత్వం అక్రమ కేసుల్లో కొత్త సంప్రదాయానికి తెర లేపింది. కిర్రాక్‌ ఆర్పీ, సీమ రాజాలాంటిళ్లు దారుణంగా మాట్లాడుతున్నారు. వాళ్లపై ఫిర్యాదులు చేసినా చర్యలు ఉండవు.   సీనియర్‌ పాత్రికేయులు కొమ్మినేని అరెస్ట్‌ అప్రజాస్వామికం. చంద్రబాబు ఆయనపై కక్ష గట్టారు. కొమ్మినేనిని దారుణంగా తిడుతున్నా పోలీసులు పట్టించుకోవడం లేదు. పోగేసుకొచ్చిన జనాలతో సాక్షి ఆఫీస్‌ మీద  జరిపారు. మరి దీనిని ఏమనాలి?. ఇది ఉన్మాదపు చర్య కాదా?.. అని అంబటి ప్రశ్నించారు.   కొమ్మినేని శ్రీనివాసరావు ఎంతో సీనియర్‌ జర్నలిస్ట్‌. చంద్రబాబు తప్పుల్ని ఖండిరచే ప్రయత్నం చేసినందుకు ఎన్టీవీ పై ఒత్తిడి తెచ్చి కొమ్మినేని లైవ్‌ షో ఆపేశారు. కొమ్మినేనిని తీసేస్తేనే ఛానల్‌ ప్రసారాలు కొనసాగిస్తామని హెచ్చరించారు. ఎన్టీవీలో తీసేస్తేనే కొమ్మినేని సాక్షిలో చేరారు. అని గుర్తుచేశారు. టీడీపీ అనుకూల ఛానల్స్‌లో జరిగే డిబేట్లకు ఆ ఛానల్‌ యాజమాన్యాలు బాధ్యత వహిస్తాయా?.   కృష్ణంరాజు వ్యక్తం చేసిన అభిప్రాయం తప్పు కావొచ్చు. దానికి ఛానల్‌కి, కొమ్మినేనికి ఏం సంబంధం? అని ప్రశ్నించారు.  చంద్రబాబు ప్రేమ అమరావతి రైతుల మీద కాదు...అమరావతిలో తాను దోచుకునే భూముల మీద. జగన్‌, భారతిపై చాలా దారుణంగా పోస్టులు పెట్టిన వాళ్ల పై చర్యలు లేవు. నేనే స్వయంగా కిరాక్‌ ఆర్పీ,సీమ రాజా మీద ఫిర్యాదు చేశా.. కనీసం పట్టించుకోలేదు. కానీ కొమ్మినేని వంటి వారిని మాత్రం హైదరాబాద్‌ వెళ్లి అరెస్ట్‌ చేశారు. ఇదెక్కడి ధర్మం?.  బెయిల్‌ రాకుండా చేసేందుకే కొమ్మినేని పై ఎస్సీ,ఎస్టీ అట్రాసిటీ కేసు పెట్టారని అంబటి పేర్కొన్నారు.